قومی ٹیم کے سابق کپتان اور مایہ ناز فاسٹ بولر وسیم اکرم نے مونچھیں رکھ لیں جو ان کی اہلیہ شنیرا اکرم کو بالکل پسند نہیں آئی۔
سماجی رابطوں کی ویب سائٹ ٹوئٹر پر سابق کپتان نے اپنا ویڈیو پیغام جاری کیا ہے جس میں دیکھا جا سکتا ہے کہ وسیم اکرم نے مونچھیں رکھ لی ہیں۔
No excuses. If I can you can . #QuarantineLife pic.twitter.com/xa74gGHfEz
— Wasim Akram (@wasimakramlive) August 28, 2021
قرنطینہ میں موجود وسیم اکرم نے اپنے مداحوں کو مخاطب کرتے ہوئے کہا ہے کہ میں قرنطینہ میں موجود ہوں جو کہ بہت مشکل ہے۔
انہوں نے مزید کہا کہ جیسے میں آپ لوگوں کی حوصلہ افزائی کرتا ہوں آپ بھی میری حوصلہ افزائی کریں۔ شنیرا نے دو دن سے مجھے بہت موٹیویٹ کیا ہے۔
ان کا کہنا تھا کہ میں نے اب سائیکل لے لی ہے اور کمرے میں ویٹ بھی موجود ہیں، میں اس حالت میں بھی ورزش نہیں چھوڑ رہا۔ آپ بھی ورزش کو اپنی روٹین میں شامل کریں۔
دوسری جانب وسیم اکرم کا نیا حلیہ دیکھ کر ان کی اہلیہ نے جواب دیا کہ اس حالت میں آپ گھر نہ آنا۔
اپنے پیغام میں شنیرا نے کہا کہ قرنطینہ کے خاتمے کے بعد وہ ان مونچھوں کے ساتھ گھر نہیں آسکتے۔
