اسلام آباد: سرکاری حج اسکیم کے لیے اس سال 63 ہزار604 حج درخواستیں موصول ہوئیں ہیں، جس کی قرعہ اندازی آج ہوگی۔
آج نیوز کے مطابق قرعہ اندازی کی تقریب سہ پہر 3 بجے پی آئی ڈی اسلام آباد میں ہوگی۔
وزیر مواصلات مولانا اسعد محمود اور وزیرہاوسنگ مولانا عبدالواسع مہمان خصوصی ہوں گے۔
وزارت مذہبی امور کے مطابق اس سال 63ہزار604 حج درخواستیں موصول ہوئیں جبکہ حج درخواستیں 9 مئی سے 13 مئی تک وصول کی گئیں۔
تاہم وقت کی کمی کے باعث حج درخواستوں کی وصولی کی تاریخ میں اضافہ نہیں کیا گیا۔
