معروف پاکستانی اداکارہ اشنا شاہ کی حمزہ امین سے حال ہی میں منگنی ہوئی ہے اور اب یہ خبر سامنے آرہی ہے کہ وہ اگلے ماہ شادی کے بندھن میں بندھ جائیں گی۔
رپورٹ کے مطابق نجی چینل کے رپورٹر سے بات کرتے ہوئے حمزہ امین نے اس بات کا انکشاف کیا کہ وہ اوراشنا شاہ رواں برس آئندہ ماہ یعنی فروری میں شادی کرلیں گے۔
انہوں نے اپنی منگیتر کی تعریف کرتے ہوئے مزید کہا کہاشنا نے ہمیشہ میری حمایت کی اور گالف مقابلوں کے دوران میری حوصلہ افزائی کی۔
یاد رہے کہ حمزہ امین پاکستان کے پہلے گالفر ہیں جنہوں نے عالمی ٹورنامنٹ وَن ایشیا گالف ٹور کے لیے 2015ء میں کوالیفائی کیا تھا ، انہیں کئی مرتبہ اشنا شاہ کے ساتھ دیکھا گیا ۔
