وزیراعظم شہباز شریف دو روزہ سرکاری دورے پر آج بروز جمعہ 25 نومبر کو ترکیہ ( Turkey ) پہنچ گئے ہیں۔
دورے کے دوران شہباز شریف اور ترک صدر اردوگان استنبول شپ یارڈ میں پاک بحریہ کے تیسرے پی این ایس خیبر کا افتتاح کریں گے۔
PM Shehbaz Sharif arrived in Turkiye 🇹🇷 on a two-day official visit at the invitation of Turkish President Recep Tayyip Erdogan @RTErdogan.
At the Istanbul Airport, he was received by the Deputy Governor of Istanbul and senior officials of the govt of Turkiye.#PMShehbazinTurkey pic.twitter.com/NnWhkV3K2s— President PMLN (@president_pmln) November 25, 2022
ترکیہ روانگی سے قبل وزیراعظم میاں محمد شہباز شریف نے مائیکرو بلاگنگ سائٹ پر ٹویٹ میں لکھا کہ اپنے بھائی طیب اردوگان کی دعوت پر ترکیہ روانہ ہو رہا ہوں۔ ترکیہ کا دورہ اپنے گھرمیں رہنے جیسا ہی ہے۔
وزیراعظم کا مزید لکھنا تھا کہ تیسرے ملجم کارویٹ جہاز کا افتتاح پاک ترک دفاعی تعاون کا مظہر ہے۔
دورے کے دوران دونوں رہنما دو طرفہ تعلقات، علاقائی صورت حال اور مشترکا دلچسپی کے امور پر تبادلہ خیال کریں گے۔ دونوں رہنما ملاقات کے بعد مشترکا پریس کانفرنس سے خطاب کریں گے۔
اپنے دورے کے دوران وزیراعظم ترکیہ کی تاجر برادری کے وفد اور ECO ٹریڈ اینڈ ڈویلپمنٹ بینک (ETDB) کے صدر سے بھی ملاقات کریں گے۔
وزیراعظم ترکیہ میں بزنس کمینوٹی سے بھی ملاقاتیں کریں گے۔
