آئی سی سی ٹی 20 ورلڈ کپ کے ساتویں میچ میں سری لنکا نے آئر لینڈ کو جیت کیلئے 172 رنز کا ہدف دے دیا۔
بدھ کے روز کھیلے جارہے دوسرے میچ میں آئرلینڈ کے کپتان اینڈی بالبر نی نے ٹاس جیت کر سر ی لنکا کو پہلے بیٹنگ کی دعوت دے دی۔
سری لنکانے مقررہ 20 اوورز میں 7 وکٹوں کے نقصان پر 171 رنز اسکور کیے۔
سری لنکا کی جانب سے ہاسا رنگا ڈی سلوا نے 71 رنز کی شاندار اننگز کھیلی جبکہ پاتھوم نیسنکا 61 رنز بناکر نمایاں رہے۔
آئرلینڈ کی جانب سے جوش لٹل نے 4 کھلاڑیوں کو آؤٹ کیا جبکہ مارک آڈیر نے 2 وکٹیں حاصل کیں۔
یاد رہے کہ ورلڈکپ کوالیفائنگ راؤنڈ میں گروپ اے میں شامل سری لنکا اور آئر لینڈ کی ٹیمیں 2،2 پوائنٹس کے ساتھ پہلے اور دوسرے نمبر پر موجود ہیں۔
