مصر سے تعلق رکھنے والے عالمی شہرت یافتہ فٹ بالر محمد صلاح نے کلب سے ہر ہفتے چار لاکھ پونڈ لینے کی خواہش ظاہر کر دی۔
عالمی شہرت یافتہ فٹ بالر اور لیور پول فٹ بال کلب کے فارورڈ محمد صلاح ہر میچ کے بعد ایک نئے روپ میں نظر آ رہے ہیں۔ سیزن میں اپنے کلب کی فتوحات میں اہم کردار ادا کرنے والے اس فٹ بالر کو بھی احساس ہو چکا ہے کہ ان کے کھیل کی کیا قیمت ہے۔
یہی وجہ ہے کہ 29 سالہ محمد صلاح نے نئے معاہدے میں ہر ہفتے چار لاکھ پونڈ لینے کی خواہش ظاہر کر دی ہے۔ محمد صلاح نے لیور پول 2017 میں جوائن کیا تھا۔
پریمئیر لیگ کے موجودہ سیزن میں مصری فارورڈ ٹاپ گول اسکورر بھی ہیں۔
لیور پول ناک آؤٹ مرحلے سے قبل اپنے آخری لیگ میچ میں اے سی میلان سے جمعرات کو ٹکرائے گی۔
لیور پول کی انتظامیہ بھی فارورڈ محمد صلاح کے کھیل سے کافی خوش ہے اور امید کی جارہی ہے کہ محمد صلاح کی خواہش پوری ہو سکتی ہے۔
