انٹرمارکیٹ میں ڈالر 84 پیسے مہنگا ہو کر نئی بلند ترین سطح پر بند ہوا ۔ ڈالر ملکی تاریخ کی بلند ترین سطح 175.27 روپے پر پہنچ گیا ہے ۔
اسٹیٹ بینک پاکستان کے مطابق آج دن کے آغاز پر ڈالر کی قیمت 174.43 پیسے تھے جو دن کے اختتام پر 84 پیسے اضافے کے بعد 175.27 روپے ہو گئی ۔
Interbank closing #ExchangeRate for today: https://t.co/8wMpfjoCFT pic.twitter.com/gIzG5RvOou
— SBP (@StateBank_Pak) October 26, 2021
واضح رہے کہ ڈالر کی پرواز روز بروز بلند ہوتی جا رہی ہے جس کے باعث روپے کی بے قدری کا سلسلہ جاری ہے ، ڈالر کی قیمت بڑھنے سے پاکستان پر موجود بیرونی قرضوں کا بوجھ بھی بڑھ رہا ہے جبکہ ڈالرز میں خریدی جانے والی اشیاء جن میں پٹرول ، قدرتی گیس ، خوردنی تیل سمیت سینکڑوں اشیاء شامل ہیں کی قیمتیں بھی بڑھ رہی ہیں ۔