مسلم لیگ ن کے سینئر رہنما حمزہ شہباز کل ملتان کا دورہ کریں گے۔
تفصیلات کے مطابق حمزہ شہباز کے دورہ ملتان کے موقع پر اہم شخصیات کی ن لیگ میں شمولیت کا اعلان متوقع ہے۔
سابق وفاقی وزیر مذہبی امور حامد سعید کاظمی کے مسلم لیگ ن سے رابطے تیز، حامد سعید کاظمی کی جانب سے مسلم لیگ ن میں شمولیت کا اعلان متوقع ہے۔
ذرائع کا کہنا ہے کہ حامد سعید کاظمی ن لیگ کے ٹکٹ پر ملتان اور رحیم یار خان سے الیکشن لڑنے کے خواہشمند ہیں ۔
ذرائع کے مطابق سربراہ تحریک آواز ملتان بریگیڈیئر ریٹائرڈ قیصر علی مسلم لیگ ن میں شمولیت کا اعلان کریں گے۔
بریگیڈئیر قیصر علی این اے 154 سے مسلم لیگ ن کی ٹکٹ پر الیکشن لڑنے کے خواہش مند ہیں۔
ذرائع کا مزید کہنا ہے کہ بچہ خاندان کے سربراہ و سابق پارلیمنٹرین ملک اسحاق بچہ کی بھی ن لیگ میں شمولیت متوقع ہے۔
