ٹی ٹوئنٹی ورلڈ کپ کا فائنل کھیلنے والی قومی ٹیم کے اعزاز میں دیئے گئے عشائیہ میں آرمی چیف قمر جاوید باجوہ اور صدر مملکت عارف علوی نے شرکت کی۔
تفصیلات کے مطابق پی سی بی کی جانب سے آسٹریلیا میں ہونے والے ٹی ٹوئنٹی ورلڈ کپ کا فائنل کھیلنے والی پاکستانی کرکٹ ٹیم کے اعزاز میں عشائیہ کا اہتمام کیا گیا تھا جس میں آرمی چیف جنرل قمر جاوید باجوہ اور صدر مملکت عارف علوی نے خصوصی طور پر شرکت کی۔
📸 A star-studded evening filled with memories and appreciation for the players. pic.twitter.com/WujfzsopU5
— Pakistan Cricket (@TheRealPCB) November 24, 2022
بابر اعظم کی قیادت میں ٹی ٹوئنٹی ورلڈ کپ کا فائنل کھیلنے والی ٹیم کے کھلاڑیوں سے آرمی چیف جنرل قمر جاوید باجوہ نے گفتگو کی اور ٹیم کی کارکردگی پر انہیں سراہا۔
عشائیے میں پاکستان کے سابق کھلاڑیوں نے بھی شرکت کی، آرمی چیف قمر جاوید باجوہ نے گرین شرٹس کے قائد بابر اعظم اور شاہین شاہ آفریدی سے بھی بات کی، اس موقع پر آرمی چیف نے شاہین شاہ آفریدی سے فائنل میں ہونے والی انجری کے متعلق دریافت کیا۔
President of Pakistan Dr Arif Alvi and Chief of Army Staff General Qamar Javed Bajwa join us on the evening honouring the achievements of our cricket stars. pic.twitter.com/vkmBbYhuYT
— Pakistan Cricket (@TheRealPCB) November 24, 2022
اس موقع پر آرمی چیف جنرل قمر جاوید باجوہ نے گرین شرٹس کی تعریف کرتے ہوئے کہا کہ کھلاڑی بہت اچھا کھیلتے ہیں اور ٹیم اپنی کارکردگی کو مزید بہتر بنانے کے لیے محنت کریں۔
آرمی چیف جنرل قمر جاوید باجوہ نے کہا کہ مجھے کرکٹ کے علاوہ ہاکی اور فٹ بال بھی بے حد پسند ہے، انہوں نے مزید کہا کہ میں کھیلوں کی بہتری کے لیے اپنی سپورٹ جاری رکھوں گا۔
