اسلام آباد: پاکستان تحریک انصاف نے وزیراعظم عمران خان کے خلاف اپوزیشن کی تحریک عدم اعتماد پر متوقع ووٹنگ سے دو روز قبل 27 مارچ کو اسلام آباد کے ڈی چوک میں پاور شو کرنے کا فیصلہ کیا ہے۔
اپنے ٹوئٹر بیان میں وفاقی وزیر منصوبہ بندی اسد عمر نے لکھا کہ وزیراعظم عمران خان نے 27 مارچ کو اسلام آباد کے ڈی چوک پر ایک ‘بڑے’ عوامی اجتماع کے انعقاد کا فیصلہ کیا ہے۔
کپتان نے ڈی چوک اسلام آباد جلسے کا حتمی فیصلہ کر لیا…. انشاءاللہ 27 مارچ کو تاریخ ساز اجتماع ہونے جا رہا ہے. دنیا دیکھے گی پاکستان کی عوام کیسے اپنی آزادی اور خودمختاری کے لئے اپنے کپتان کے ساتھ کھڑے ہوتے ہیں
— Asad Umar (@Asad_Umar) March 14, 2022
انہوں نے کہا کہ دنیا دیکھے گی کہ پاکستانی قوم ملک کی خودمختاری کیلئے اپنے وزیر اعظم کے ساتھ کھڑی ہوگی۔
انہوں نے مزید کہا کہ پی ٹی آئی کے ایڈیشنل سیکرٹری جنرل عامر کیانی 27 مارچ کو اسلام آباد کے ڈی چوک پر ہونے والے عوامی جلسے کے انتظامات کی نگرانی کریں گے۔
جبکہ وفاقی حکومت نے 23 مارچ کو اسلام آباد میں تنظیم اسلامی کانفرنس (او آئی سی) کے اجلاس کے بعد تحریک عدم اعتماد پر ووٹنگ کیلئے قومی اسمبلی کااجلاس طلب کرنے کا فیصلہ کیا ہے۔
تفصیلات کے مطابق او آئی سی کے وزرائے خارجہ کا اجلاس 22 اور 23 مارچ کو اسلام آباد میں شیڈول ہے۔
عدم اعتماد کے اقدام پر ووٹنگ کا امکان 29 مارچ کو ہونا ہے۔
