اسلام آباد ہائیکورٹ نے پی ٹی آئی ممنوعہ فنڈنگ کیس کا فیصلہ ایک ماہ میں کرنے کا سنگل بینچ کا فیصلہ کالعدم قرار دے دیا۔
اسلام آباد ہائیکورٹ نےپاکستان تحریک انصاف (پی ٹی آئی)کی انٹراکورٹ اپیل جزوی طورپرمنظور کرلی اور ایک ماہ میں فیصلہ دینے کی حد تک سنگل بینچ کا فیصلہ کالعدم قرار دے دیا۔
عدالت نے تمام سیاسی جماعتوں کی تحقیقات ایک ساتھ کرنے کی پی ٹی آئی کی درخواست نمٹادی۔
فیصلے میں کہا گیا کہ عدالت امید کرتی ہے الیکشن کمیشن باقی جماعتوں کیخلاف کارروائی بھی مناسب وقت میں مکمل کرے گا، امید ہے کہ کارروائی شفاف انداز میں آگے بڑھائی جائے گی، الیکشن کمیشن نے ابھی تک کوئی آرڈر پاس نہیں کیا۔
