ملک کے بیشتر علاقوں میں آج موسم خشک اور گرم رہے گا۔
محکمہ موسیات کے مطابق اسلام آباد میں مطلع جزوی ابرآلود اور موسم خشک رہے گا۔ آج زیادہ سے زیادہ درجہ حرارت 33 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 30 فیصد تک رہنے کا امکان ہے۔
صوبہ بلوچستان کے بیشتر اضلاع میں موسم خشک اورگرم رہے گا۔
محکمہ موسمیات کے مطابق کوئٹہ میں کم سے کم درجہ حرارت 10 ڈگری سینٹی گریڈ ریکارڈ کیا گیا جبکہ زیارت میں کم سے کم درجہ حرارت منفی02 ڈگری سینٹی گریڈ کیا گیا۔
اس کے علاوہ قلات میں کم سے کم درجہ حرارت منفی 7 ڈگری سینٹی گریڈ کیا گیا جبکہ نوکنڈی میں 18ڈگری سینٹی گریڈ ریکارڈ کیا گیا۔
بلوچستان کے ساحلی علاقے گوادر میں کم سے کم درجہ حرارت19ڈگری سینٹی گریڈ ریکارڈ کیا گیا۔
ملتان اور گردونواح میں موسم خشک رہے گا۔
ملتان میں آج زیادہ سے زیادہ درجہ حرارت 38ڈگری سینٹی گریڈ تک جانے کا امکان ہے جبکہ کم سے کم درجہ حرارت 20ڈگری سینٹی گریڈ تک رہنے کا امکان ہے۔
محکمہ موسمیات نے بتایا کہ آج ہوا میں نمی کا تناسب 66فیصد ریکارڈ کیا گیا۔
صوبہ پنجاب کے بیشتر اضلاع میں موسم خشک اور گرم رہے گا۔
اس کے علاوہ صبح کے اوقات میں سیالکوٹ، لاہور، نارووال، گوجرانوالہ، سرگودھا اور گرد ونواح میں دھند پڑنے کا امکان ہے۔
چیف میٹرولوجسٹ سردار سرفراز کا کہنا ہے کہ کراچی میں آج سے ہیٹ ویو کا آغاز ہورہا ہے جو یکم اپریل تک جاری رہے گا جب کہ رمضان المبارک کے پہلے ہفتے میں گرمی میں کمی رہے گی۔
