قومی کرکٹر شعیب ملک کا کہنا ہے کہ ہم دوستی، پسند اور نا پسند کے کلچر سے کب باہر نکلیں گے؟
ایشیا کپ کے فائنل میں سری لنکا سے شکست پر شعیب ملک نے تنقیدکرتے ہوئے ڈھکے چھپے لفظوں میں ٹیم سلیکشن پر سوال اٹھایا دیا۔
انہوں نے سوشل میڈیا پلیٹ فارم ٹوئٹر پر ایک پیغام میں کہا ہے کہ ہم دوستی، پسند اور نا پسند کے کلچر سے کب باہر نکلیں گے؟
– When will we come out from friendship, liking & disliking culture.
Allah always helps the honest…— Shoaib Malik 🇵🇰 (@realshoaibmalik) September 11, 2022
انہوں نے پاکستانی ٹیم کی ہار پر ردعمل دیتے ہوئے کہا ہے کہ اللہ ہمیشہ ایمانداروں کی مدد کرتا ہے۔
واضح رہے کہ ایشیا کپ ٹی ٹوئنٹی ٹورنامنٹ کے فائنل میں سری لنکا پاکستان کو شکست دے کر چھٹی بار ایشین چیمپئن بن گیا ہے۔
سری لنکا نے پاکستان کو 23 رنز سے شکست دے کر ٹرافی اپنے نام کی۔سری لنکا کی جانب سے دیے جانے والے 171 رنز کے تعاقب میں قومی کرکٹ ٹیم 20 اوورز میں صرف 147 رنز بنا سکی۔
