سابق وزیر خارجہ شاہ محمود قریشی اپنی ہی جماعت پاکستان تحریک انصاف (پی ٹی آئی) کے خلاف پھٹ پڑے۔
اپنے بیان میں انہوں نے کہا کہ 2018 کے انتخابات میں ہماری جماعت نے میرے خلاف سازش کی، میں یہ برملا کہہ رہا ہوں اور عمران خان کو بھی کہا ہے۔
ان کا کہنا تھا کہ آج پنجاب کی یہ کیفیت نہ ہوتی اگر میں یہاں سے ایم پی اے ہوتا۔ انہوں نے کہا کہ مجھے کوئی فرق نہیں پڑا،تمہیں فرق پڑا،ملتان اورجنوبی پنجاب کو فرق پڑا ہے۔
شاہ محمود قریشی نے کہا کہ مجھے لوگوں نے کہا مت لڑاؤ زین کو، وائس چئیرمین کا بیٹا ہے ہار گیا تو بڑی بےعزتی ہوگی۔ میں نے کہا کچھ جنگیں لڑی جاتی ہے جیتنے کیلئے نہیں۔
