کراچی پولیس نے پولیس اہلکار کے قتل میں ملوث ملزم خرم نثار کے بیرون ملک فرار پر انٹرپول سے رابطے کا فیصلہ کرلیا۔
ڈی آئی جی عرفان بلوچ نے جیونیوز کو بتایا کہ مفرور ملزم خرم نثارکی گرفتاری کے لیے قانونی عمل شروع کردیا ہے جب کہ ہم ڈی جی پاسپورٹ کو پاسپورٹ کی منسوخی کےلیے لکھ رہے ہیں اور ایف آئی اے کوبھی انٹرپول سے رابطے کے لیے لکھ رہے ہیں۔
واضح رہےکہ ملزم خرم نثار نے گزشتہ روز ڈیفنس فیز5 میں پولیس اہلکار کو فائرنگ کرکے قتل کیا تھا جس کی ویڈیو بھی سامنے آئی تھی جب کہ واقعے کے بعد ملزم خرم نثار بذریعہ ترکی سوئیڈن روانہ ہوگیا تھا۔
