پاکستان میں تعینات جرمنی کے سفیر برن ہارڈ شلیگ ہیک آج جرمنی واپس جارہے ہیں۔
جرمن سفیر برائے پاکستان نے اپنے تصدیق شدہ ٹوئٹر اکاؤنٹ پر ایک ویڈیو پیغام جاری کیا جس میں وہ سائیکل پر وفاقی دارالحکومت اسلام آباد کی سڑکوں پر گھوم رہے ہیں۔
Khuda hafiz, dosto! My stay in 🇵🇰 has come to an end. Three years in this wonderful country flew by all too quickly — thanks esp. to the amazing people I met here. For one last time I speak to all of you through this platform, but rest assured 🇵🇰 remains forever in my heart♥️! 👇 pic.twitter.com/9woedUvMKi
— Alfred Grannas (@GermanyinPAK) June 30, 2022
ویڈیو پیغام میں جرمن سفیر نے کہا کہ ’آج کا دن بہت خاص ہے، آج اسلام آباد میں میرا آخری دن ہے کیونکہ آج بطور جرمن سفیر پاکستان میں آج میرا سفر ختم ہورہا ہے‘۔
اُنہوں نے کہا کہ ’مجھے گزشتہ تین برسوں میں پاکستان کے لوگوں سے بہت محبت اور پیار ملا‘۔
جرمن سفیر نے کہا کہ ’میں پاکستان اور اس کے عوام کا شکریہ ادا کرتا ہوں، میں یہاں سے جارہا ہوں لیکن پاکستان اور یہاں کے لوگ ہمیشہ میری یادوں میں رہیں گے‘۔
اُنہوں نے اپنے ٹوئٹ میں لکھا کہ ’اس شاندار ملک میں تین سال بہت تیزی سے گزر گئے‘۔
جرمن سفیر نے مزید لکھا کہ ’میں ایک آخری بار اس پلیٹ فارم کے ذریعے آپ سب سے بات کرتا ہوں لیکن یقین جانیے پاکستان ہمیشہ میرے دل میں ہے‘۔
