اسلام آباد: وفاقی دارالحکومت اسلام آباد کے معروف شاپنگ مال میں آگ لگ گئی ہے جس کے بعد پولیس، فائر بریگیڈ اور امدادی اداروں کے رضاکاروں کی بڑی تعداد جائے وقوع پر پہنچ گئی ہے۔
ڈی سی اسلام آباد کے مطابق سینٹورس شاپنگ مال میں آگ لگنے کے فوری بعد موجود تمام افراد کا بحفاظت نکال لیا گیا ہے۔
فائر بریگیڈ کے مطابق آگ سینٹورس شاپنگ مال کے چوتھے فلور پر فوڈ کورٹ میں لگی ہے جس کی وجہ سے امدادی ٹیموں کو مشکلات کا سامنا کرنا پڑ رہا ہے۔
جائے وقوع پر موجود انتظامیہ اور پولیس کے حکام نے بتایا ہے کہ آگ پر قابو پانے کے لیے ریسکیو کی ٹیمیں مصروف عمل ہیں۔
