فیصل آباد کے مدینہ ٹاؤن میں سالگرہ کی تقریب کے دوران گولیوں کی بوچھاڑ میں قانون کی دھجیاں اڑادی گئیں۔
ذرائع کے مطابق، سالگرہ کی تقریب میں ہوائی فائرنگ کا مقابلہ چلتا رہا جس سے شہریوں میں خوف و ہراس پھیل گیا۔
ذرائع کا بتانا ہے کہ علاقہ گولیوں کی تڑتڑاہٹ سے گونجتا رہا لیکن پولیس نے لاعلم رہتے ہوئے کوئی ایکشن نہیں لیا تاہم ہوائی فائرنگ کے مقابلے کی ویڈیو منظر عام پر آنے کے بعد پولیس بھی حرکت میں آگئی۔
ویڈیو منظر عام پر آنے کے بعد پولیس کا کہنا تھا کہ واقعے کا مقدمہ درج کیا جارہا ہے، فائرنگ میں ملوث افراد کے خلاف سخت کارروائی کی جائے گی۔
