ڈائریکٹر محکمہ موسمیات سردار سرفراز نے یکم سے3 ستمبر تک بارش کے امکان کے پیش نظر کراچی، ٹھٹھہ اور بدین کے نشیبی علاقوں میں اربن فلڈنگ کا خطرہ ظاہر کیا ہے۔
ںجی ٹی وی کے پروگرام میں گفتگو کرتے ہوئے ڈائریکٹر محکمہ موسمیات سردار سرفراز نے بتایا کہ ہوا کا کم دباؤ مشرقی سندھ پر ہے جو جنوب کی جانب بڑھ رہا ہے۔
ڈائریکٹر محکمہ موسمیات کے مطابق سندھ اور پنجاب کے جنوبی علاقوں میں یکم سے 3 ستمبر تک کہیں تیز اور کہیں معتدل بارش کا امکان ہے۔
انہوں نے کراچی، ٹھٹھہ اور بدین کے نشیبی علاقوں میں اربن فلڈنگ کا خطرہ بھی ظاہر کیا ہے۔
