ترکی کی جانب سے سیلاب متاثرین کیلئے خصوصی امداد کا سلسلہ جاری ہے جس کے تحت 3 طیارے کراچی ایئرپورٹ پہنچ گئے ہیں۔
وزیر بجلی خرم دستگیر اور سندھ کے وزیر محنت و انسانی وسائل سعید غنی نے جناح انٹرنیشنل ایئرپورٹ پر امداد وصول کی۔
وفاقی وزیر توانائی نے کراچی ایئر پورٹ پر ترکی کی طرف سے سیلاب متاثرین کیلئے بھیجی گئ امداد کا پہلا جہاز وصول کیا۔
دو جہاز آج، دو کل اور مزید امدادی سامان ترکی کے بھائیوں کی جانب سے روانہ کر دیا گیا ہے۔ مشکل کی اس گھڑی میں پاکستان کا ساتھ دینے پر ترک بھائیوں کے مشکور ہیں۔ pic.twitter.com/NUEKYKNf48— Ministry of Energy-Power Division, Government of P (@MoWP15) August 28, 2022
اس موقع پر کراچی میں ترکی کے قونصل جنرل سیمل سانگو بھی موجود تھے۔
انسانی امداد میں سیلاب متاثرین کے لیے خیمے، ادویات اور کھانے پینے کی اشیاء شامل ہیں۔
دوسری جانب ترکی سے سیلاب متاثرین کیلئے امدادی سامان لیکر آنے والے دوسرے جہاز کے ایک انجن میں خرابی پیدا ہونے پر ایمرجنسی لینڈنگ کی گئی تھی۔
ترکیہ سے امدادی سامان لے کر دو جہاز کل کراچی پہنچیں گے کراچی میں ترکیہ کے قونصل جنرل کل صبح ہوائی اڈے پر امدادی سامان پاکستانی حکام کے حوالے کریں گے امدادی سامان میں خیمے، ادویات اور دیگر اشیاء شامل ہیں #PMReliefFund pic.twitter.com/ZNwM6brFQb
— Marriyum Aurangzeb (@Marriyum_A) August 28, 2022
خیال رہے کہ ترکی سے سیلاب متاثرین کے لیے پہلے جہاز میں 38 ٹن سامان کراچی ایئرپورٹ لایا گیا ہے جبکہ دوسرے جہاز کے ذریعے 14 ٹن سامان سیلاب متاثرین کے لیے لایا گیا ہے۔
یاد رہے کہ ترکی سے کراچی ایئرپورٹ سیلاب متاثرین کے لیے آنے والے سامان کے جہازوں کو خصوصی اجازت حاصل ہے۔
