احد رضا میر نے اپنے مداحوں کے لیے ہالی ووڈ کے لیے پہلے پراجیکٹ کی پہلی جھلک شیئرکی ہے۔
اداکارجلد نیٹ فلکس کے لیے پراجیکٹ ‘ریزیڈنٹ ایول’ سے اپناہالی ووڈ ڈیبیوکررہے ہیں، تاہم گزشتہ دنوں ریلیزکیے جانے والے آفیشل ٹیزرمیں احد کو شامل نہ کیے جانے پران کے مداحوں نے مایوسی کا اظہارکیا تھا۔
اب اداکار نے انسٹاگرام پراپنے کردار کی پہلی جھلک شیئِرکی ہے جس انہیں بیڈ پرنیم دراز دیکھا جاسکتا ہے۔
احد نے کیپشن میں خوشی کااظہارکرتے ہوئے امید ظاہرکی کہ اس سے ان کے مداحوں کو خوشی ہوگی، مداحوں نے بھی تبصروں میں بتایا کہ وہ ان کا نیا پراجیکٹ دیکھنے کے لیے پرجوش ہیں۔
بہتے خون اور زومبیز سے بھرپور ریذیڈنٹ ایول 8 اقساط پر مشتمل سرائیول تھرلرہوگا، جس میں نوجوانوں کا ایک گروہ اپنی جانوں کے لیے لڑرہا ہے۔
ریزیڈنٹ ایول کو 14 جولائی سے ہفتہ وار بنیادوں پرنیٹ فلکس صارفین کے لیے پیش کیا جائے گا۔
احد نے حال ہی میں ہم ٹی وی پردکھائے جانے والے رمضان المبارک کے خصوصی ڈرامہ سیریل ’ ہم تم’ میں رمشا خان کے مقابل کردار نبھایا تھا جسے ناظرین کی جانب سے بے حد سراہا گیا۔
