سابق وفاقی وزیر برائے ماحولیاتی تبدیلی و پی ٹی آئی کی رہنما زرتاج گل وزیر نے عمران خان کے رات گئے وزیراعظم ہاؤس چھوڑنے کی ویڈیو جاری کردی۔
انہوں نے ویڈیو شیئر کرتے ہوئے لکھا کہ ’کمال درویش ہے، کوئی مال اسباب کوئی سامان نہیں، اٹھا اور اپنی گاڑی خود ڈرائیو کرتا وکٹری کا نشان بناتا وزیراعظم ہاؤس سے اپنے گھر چلا گیا۔‘
کمال درویش ہے ۔۔ کوئی مال اسباب کوئی سامان نہیں ۔۔ اٹھا اور اپنی گاڑی خود ڈرائیو کرتا وکٹری کا نشان بناتا وزیراعظم ہاؤس سے اپنے گھر چلا گیا ۔۔
*copied#امپورٹڈ_حکومت_نامنظور pic.twitter.com/iXvkBx2mAG
— Zartaj Gul Wazir (@zartajgulwazir) April 10, 2022
خیال رہے کہ ہفتے کی شب قومی اسمبلی میں تحریکِ عدم اعتماد پر ووٹنگ سے قبل ہی عمران خان نے وزیراعظم ہاوس چھوڑ دیا تھا۔
وزیراعظم ہاؤس سے روانگی سے پہلے عمران خان نے وزیر اعظم ہاؤس کے عملے سے ملاقات کی، عمران خان وزیر اعظم ہاؤس سے بنی گالا گئے تھے۔
پی ٹی آئی رہنما اور عمران خان کے معاونِ خصوصی رہنے والے شہباز گِل نے اپنے ایک ٹوئٹ میں بتایا کہ وزیراعظم نے دفتر سے جانے سے پہلے اپنا آخری حکم اپنے پرنسپل سیکرٹری اعظم خان کی درخواست پر انہیں اسٹیبلشمنٹ ڈویژن رپورٹ کرنے کا کیا۔
شہباز گل نے یہ بھی لکھا کہ ’عمران خان نے اعظم خان کی پیشہ ورانہ قابلیت کی تعریف کی اور کہا کہ انہوں نے پوری ایمانداری اور محنت سے اپنی زمہ داریاں نبھائیں۔‘
