کراچی سے 15 ہزار موٹر سائیکلیں چوری کرکے حب منتقل کرنے والا ملزم پکڑا گیا ہے۔
تفصیلات کے مطابق سکھن پولیس کے ہاتھوں گرفتار ملزم آصف نے اعتراف جرم کرلیا ہے۔
ملزم نے اعتراف کیا ہے کہ میرا باپ بھی ٹارگٹ کلر تھا، جو پولیس مقابلے میں مارا گیا تھا، میں گاڑیاں اور موٹر سائیکلیں چوری کرکے بلوچستان لے جاتا ہوں۔
ملزم نے بتایا کہ میں نے 12 گاڑیاں اور 10 سے 15 ہزار موٹر سائیکل چوری کی ہیں، گلشن حدید، ماڈل کالونی، الہٰ دین پارک اور بنگالی پاڑے سے گاڑیاں چوری کیں۔
ملزم نے اعتراف کیا ہے کہ اس سے قبل بھی 4 بار پکڑا جاچکا ہوں۔
