انسپکٹر جنرل (آئی جی) پنجاب راؤسردار علی خان نے پولیس اہلکاروں کے دوران ڈیوٹی ٹک ٹاک کے استعمال پر پابندی عائد کردی۔
تفصیلات کے مطابق پابندی کا فیصلہ سٹیزن پورٹل پر اہلکاروں کے خلاف شکایت کی بنا پر کیا گیا ہے۔
ٹک ٹاک کے استعمال پر پابندی کے حوالے اس سے قبل بھی سٹیندنگ آرڈر جاری کیا گیا تھا۔
اسٹیندنگ آرڈر کے باوجود اہلکار دوران ڈیوٹی یونیفارم پہنے ہوئے ٹک ٹاک استعمال کررہے تھے۔
پابندی کے حوالے سے جاری مراسلے میں کہا گیا ہے کہ جو اہلکار دوران ڈیوٹی ٹک ٹاک استعمال کرتا پکڑا گیا اسکے خلاف سخت کارروائی ہوگی۔
پابندی کے حوالے سے مراسلہ تمام آر پی اوز اور ڈی پی اوز کو بھجوایا گیا ہے۔
