جمعیت علماء اسلام (جے یو آئی)کے سربراہ مولانا فضل الرحمان کا کہنا ہےکہ عمران خان کبھی امریکی نظام توکبھی ریاست مدینہ کی بات کرتے ہیں، ہماری غیرت ایسے حکمرانوں کو حق حکمرانی کی اجازت نہیں دیتی۔
حب میں علماء کنونشن سے خطاب میں مولانا فضل الرحمان کا کہنا تھا کہ حکمران اب ہِل چکے ہیں ، یہ گرتی ہوئی دیوار ہیں، جن کی کُرسی اپنی تھی، اُن کی کرسی مضبوط ثابت نہ ہوسکی تو عمران خان تو پرائی کرسی پر بیٹھے ہوئے ہیں۔
مولانا فضل الرحمان کا کہنا تھا کہ ملک چلانےکے لیے عقل ہونا بھی لازمی ہے، ملک کی معیشت اور امن و امان تباہ ہوچکے،قوم کو مرغیاں،کٹے لینے کا کہا جارہا ہےکہ اس سے معیشت بہتر ہوگی، تباہ معیشت میں قومی سلامتی پالیسی کیسے مرتب کی جاسکتی ہے۔
ان کا کہنا تھا کہ ملک چلانے کے لیے عقل ہونا بھی لازمی ہے ، حکمرانوں کے خلاف جدوجہد جاری رہے گی ، 23 مارچ کو اسلام آباد کا رخ کریں گے ۔
