ملک بھر میں کنٹونمنٹ بورڈ کے پرائیویٹ اسکولز 31 دسمبر سے بند ہوجائیں گے۔
کنٹونمنٹ بورڈز کے پرائیویٹ اسکولز کی بندش کی حتمی ڈیڈلائن جاری کر دی گئی۔ ملک بھر کے 42 کنٹونمنٹ بورڈز کےاسکولز 31 دسمبر سے بند ہوں گے۔
عدالتی حکم پر کنٹونمنٹ بورڈ کے30ہزار پرائیویٹ اسکولز کو بند کیا جا رہا ہے۔
دوسری جانب اسکولز کی بندش پر آل پاکستان پرائیویٹ اسکولز اینڈ کالجز ایسوسی ایشن نے احتجاج کی کال دے دی ہے۔
ایسوسی ایشن کے مرکزی صدر ملک ابرار حسین نے دیگر عہدیداران کے ہمراہ اعلان کیا کہ بے دخلی کے معاملے پر نوٹس جاری کیے گئے تو 16 دسمبر کو بھرپور احتجاج کیا جائے گا۔
