فرخ حبیب نے کہا ہے کہ کامیاب جوان پروگرام کے لئے 10ارب روپے رکھے ہیں۔
وزیر مملکت فرخ حبیب نے تقریب سے خطاب کرتے ہوئے کہا ہے کہ پاکستانی قوم ہر مشکل حالات میں اپنی کارکردگی دکھاتی ہے ، پاکستان نے کورونا کٹ بنا کر برآمد کرنا شروع کر دی ہے۔
انہوں نے کہا کہ وزیراعظم عمران خان نے ہر موقع پر بہترکارکردگی دکھائی ، ہم نے ملک کو قرضوں کی دلدل سے باہر نکالنا ہے ، ہمارےاخراجات بہت زیادہ جبکہ آمدن کم ہے ، 25 ہزار نوجوانوں کو ہنر مند بنا چکے ہیں ، 2 لاکھ نوجوانوں کو ہنر مند بنائیں گے۔
وزیر مملکت نے کہا کہ کامیاب جوان پروگرام کے لئے 10ارب روپے رکھے ہیں ، اسٹارٹ اپ کو پروموٹ کرنے کے لئے کراچی،اسلام آباد میں انکیوبیٹرسینٹر کام کر رہے ہیں ، جلد فیصل آباد میں بھی انکیوبیٹر سینٹر بنانے جا رہے ہیں ، کورونا سے دنیا بھر میں معاملات زندگی بدل گئے ، ہم نےملک میں ماسک بنانا شروع کر دیے ، ماسک اور پی پی کٹس باہر برآمد کرنا شروع کر دیں۔
فرخ حبیب نے کہا کہ وزیراعظم نے خود کو دنیا کا بہترین کپتان بن کر دکھایا ، عمران خان ملک کو عظیم ملک بنانا چاہتے ہیں ، ملک کے اخراجات زیادہ آمدنی بہت کم ہے ، ہم نے ملک کو قرضوں کی دلدل سے نکالنا ہے ، فری لانسنگ پروگرام کے لیے 10ارب روپے مختص کیے ہیں جس سے 2 لاکھ نوجوانوں کو ہنرمند بنائیں گے۔
