مسلم لیگ ن کے صدر شہباز شریف کا سابق چیف جسٹس ثاقب نثارکی مبینہ آڈیو کلپ وائرل ہونے پرکہنا ہے کہ نئے آڈیو کلپ سے ظاہر ہوتا ہے کہ نواز شریف اور مریم نواز کو سیاسی عمل سے باہر رکھنے کے لئے ایک بڑے منصوبے کے تحت نشانہ بنایا گیا۔
سماجی رابطے کی ویب سائٹ ٹوئٹر پر شہباز شریف نے کہا کہ ان کے ساتھ روا رکھی جانے والی غلطی کو ٹھیک کیا جائے۔ پوری قوم نظام عدل کی طرف دیکھ رہی ہے۔
The emergence of a new audio clip of former Chief Justice shows how Nawaz Sharif & Maryam Nawaz were targeted as part of a grand scheme to keep them out of political process. Time has come to right the wrongs inflicted on them. The nation looks forward to justice system.
— Shehbaz Sharif (@CMShehbaz) November 22, 2021
واضح رہے کہ گزشتہ روز سابق چیف جسٹس سپریم کورٹ آف پاکستان جسٹس ریٹائرڈ ثاقب نثار سے منسوب نئی مبینہ آڈیو سامنے آئی ہے جس میں میاں نواز شریف اور مریم نواز کے خلاف سزا پر بات چیت کی گئی ہے۔
سابق چیف جسٹس آف پاکستان ثاقب نثار نے مبینہ آڈیو کلپ پر اپنے ردعمل میں اسے جھوٹا قرار دیتے ہوئے کہا ہے کہ یہ فیبریکیٹڈ آڈیو مجھ سے منسوب کی گئی ہے۔
سابق چیف جسٹس ثاقب نثار نے کہا ہے کہ یہ آواز میری نہیں ہے۔ ان کا کہنا تھا کہ اس طرح کی چیزیں خود بنا کر لائی جارہی ہیں۔
