صدرِ مملکت عارف علوی نے کامیڈی کنگ عمر شریف کی وفات پر اظہار افسوس کرتے ہوئے کہا کہ عمر شریف نے کامیڈی کی دنیا میں منفرد مقام بنایا۔
عارف علوی نے کہا کہ عمر شریف منفرد حس مزاح کے مالک تھے۔
صدر مملکت نے کہا کہ اللّٰہ تعالیٰ مرحوم کو غریقِ رحمت اور اہل خانہ کو صبر جمیل عطا فرمائے۔
لیجنڈ کامیڈین عمر شریف طویل علالت کے بعد جرمنی کے اسپتال میں انتقال کر گئے۔
اداکار عمر شریف 4 روز سے جرمنی کے اسپتال میں داخل تھے، انہیں کراچی سے واشنگٹن علاج کے لیے پہنچایا جارہا تھا لیکن ناساز طبیعت کے باعث انہیں جرمنی کے اسپتال میں ہی داخل کردیا گیا تھا۔
لیجنڈری اداکار و کامیڈین عمر شریف کافی عرصے سے عارضہ قلب، گردے اور دیگر مختلف بیماریوں میں مبتلا تھے۔
