گور نر پنجاب چوہدری محمد سرور سے صدر آزاد کشمیر بیرسٹر سلطان محمود نے گورنر ہاؤس لاہور میں ملاقات کی ہے۔
ملاقات کے دوران دونوں رہنماؤں نے خطے میں امن کے لیے مسئلہ کشمیر کے حل کو لازمی قرار دیا ہے۔
اس موقع پر گور نر پنجاب چوہدری محمد سرور نے کہا کہ وزیرِ اعظم عمران خان کشمیریوں کے سفیر بن کر ان کا مقدمہ لڑ رہے ہیں۔
انہوں نے یہ بھی کہا کہ بھارت سفارتی سطح پر دنیا میں تنہا اور بے نقاب ہو چکا ہے، ہم کشمیریوں کے ساتھ کھڑے ہیں۔
آزاد کشمیر کے صدر بیرسٹر سلطان محمود نے کہا کہ طاقت سے بھارت کشمیریوں کی آواز کو دبا نہیں سکتا۔
انہوں نے یہ بھی کہا کہ دنیا کو بھارتی مظالم کا فوری اور سخت نوٹس لینا چاہیئے۔
