کراچی کے علاقے گلشن اقبال کے ایک نجی اسکول میں آگ لگ گئی، بالائی منزل پر جنریٹر اسٹارٹ کرنے کے دوران آگ لگی جس نے چھت پر لگے شیڈز کو اپنی لپیٹ میں لے لیا۔
نجی ٹی وی کے مطابق کراچی کے علاقے گلشن اقبال بلاک 13 ڈی کے ایک نجی اسکول کی بالائی منزل پر آگ لگ گئی، آگ عمارت کی چھت پر موجود جنریٹر اسٹارٹ کرنے کے دوران لگی، جس نے تقریباً پوری منزل کو لپیٹ میں لے لیا، چھت پر لگے شیڈز مسلسل جل رہے ہیں۔
عمارت سے اٹھنے والے دھوئیں کے بادل دور دور سے دیکھے جاسکتے ہیں، تاحال فائر بریگیڈ کی گاڑیاں نہیں پہنچیں، پولیس کی موبائل اور اسکول انتظامیہ جائے وقوعہ پر پہنچ گئے، عمارت کے باہر لوگوں کی بڑی تعداد بھی جمع ہوگئی.
