ورلڈ بریسٹ کینسر ڈے پر شہر قائد گلابی رنگ کی لائٹوں سے سج گیا ہے۔
تفصیلات کے مطابق مزار قائد میں ورلڈ بریسٹ کینسر دن کے حوالے سے تقریب منعقد کی گئی جس میں شوکت خانم کے چیف ایگزیکٹو ڈاکٹر عاصم یوسف نے شرکت کی۔
شوکت خانم کے چیف ایگزیکٹو ڈاکٹر عاصم کا کہنا تھا کہ پچاس فیصد خواتین میں بریسٹ کینسر کی تشخیص ہوتی ہے۔
ڈاکٹر عاصم کا کہنا تھا کہ شوکت خانم پچھلے پچیس سال سے کام کر رہا ہے اور دسمبر 2023 میں کراچی میں شوکت خانم اسپتال کھل جائے گا۔
ڈاکٹر عاصم کا مزید کہنا تھا کہ ہمیں آگاہی مہم تیز کر کے اس مہلک وباء سے بچنا ہو گا تاکہ مزید خواتین کو اس مہلک بیماری سے بچایا جا سکے۔
