معروف اداکار اور خود کو پاکستان تحریک انصاف (پی ٹی آئی) کا سپورٹر کہنے والے حمزہ علی عباسی کا کہنا ہے کہ وہ وزیر اعظم عمران خان کی کارکردگی پر نظر رکھے ہوئے ہیں۔
حمزہ علی عباسی ماضی میں پی ٹی آئی کے ذمہ دار بھی رہے ہیں، تاہم انہوں نے 2015 میں کے کلچرل سیکرٹری کے عہدہ سے استعفیٰ دیا تھا۔
حمزہ علی عباسی کا شمار ان شوبز شخصیات میں ہوتا ہے جو کھلے عام وزیر اعظم عمران خان اور ان کی پارٹی کی حمایت کرتے ہیں اور وہ متعدد بار وزیر اعظم کے اقدامات کی تعریف بھی کر چکے ہیں۔
حال ہی میں ٹوئٹر پر جب ایک مداح نے ان سے سوال کیا کہ وہ عمران خان کی بڑا سپورٹ کرتے رہے ہیں اور اب ان کا وزیر اعظم کی کارکردگی پر کیا کہنا ہے؟
I am also evaluating their performance and will see by the end of their term whether i should vote for them or not. Abhee takk its 50/50. Some things very good like foreign policy but other things not so good like inflation and mehngaayee. Lets see, only 2 yrs to go.
— Hamza Ali Abbasi (@iamhamzaabbasi) September 20, 2021
مداح کا جواب دیتے ہوئے حمزہ علی عباسی نے دلچسپ بات کی اور کہا کہ ان کی وزیر اعظم عمران خان کی کارکردگی پر نظر ہے اور مستقبل میں ان کی حمایت کرنے یا نہ کرنے سےمتعلق وہ ان کی کارکردگی کو مد نظر رکھ کر فیصلہ کریں گے۔
ان کے مطابق اب تک وزیر اعظم عمران خان کی کارکردگی اور اسکور ’ففٹی ففٹی ہے‘ جب کہ ان کی مدت مکمل ہونے میں تاحال دو سال پڑے ہیں۔
حمزہ علی عباسی نے لکھا کہ وہ عمران خان کی کارکردگی کو دیکھتے ہوئے ہی اگلی بار انہیں ووٹ دینے یا نہ دینے کا فیصلہ کریں گے۔
مسٹر حمزہ عباسی آپ کو خارجہ پالیسی کے حوالے سے مزید سٹڈی کی ضرورت ہے یہ آپ کو کس نے کہہ دیا ہے کہ پاکستان کی خارجہ پالیسی بہتر ہے صرف افغانستان دنیا نہیں ہے محترم ٹیمیں یہاں آنے کو تیار نہیں چاہے یہ اگریہ سازش ہے یہ سازش بھی تو ہماری ناکامی ہے آپ نے سب کچھ اداکاری ہی سمجھ لیا ہے
— Mahranikhan (@Mahrani90809546) October 1, 2021
انہوں نے جواب میں اعتراف کیا کہ وزیر اعظم مہنگائی جیسے مسائل پر قابو پانے میں ناکام ہو چکے ہیں، تاہم انہوں نے ان کی بعض کارکردگیوں کی تعریف بھی کی۔
