شمالی وزیرستان میں دہشت گردوں کی فائرنگ سے سپاہی سیف اللہ شہید ہو گئے۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں دہشت گردوں نے سیکیورٹی چیک پوسٹ پر حملہ کر دیا اور شمالی وزیرستان کے علاقے اسپن وام میں دہشت گردوں نے فائرنگ کی۔
دہشت گردوں کی فائرنگ کے نتیجے میں 25 سالہ سپاہی سیف اللہ شہید ہو گئے تاہم فورسز کی جانب سے فوری طور پر دہشت گردوں کے ٹھکانوں پر جوابی فائرنگ کی گئی۔
آئی ایس پی آر کے مطابق دہشت گردوں کے خاتمے کے لیے علاقے کو کلیئر کیا جا رہا ہے۔
