پاکستان میں رہائش پذیر امریکی خاتون سنتھیا ڈی رچی نے پاکستان ٹیلی ویژن (پی ٹی وی) جوائن کرلیا۔
پی ٹی وی نیوز کی جانب سے سنتھیا ڈی رچی کی سرکاری ٹی وی میں شمولیت کی تصدیق کی گئی اور اس حوالے سے بیان بھی جاری کیا گیا ہے۔
پی ٹی وی کے مطابق فلم میکر اور رائٹر سنتھیا چی نے پی ٹی وی جوائن کرلیا ہے اور وہ مستقبل میں پی ٹی وی ورلڈ میں پروگرام کریں گے۔
پی ٹی وی نیوز کی جانب سے یہ ٹوئٹ کچھ ہی دیر میں ڈیلیٹ کردی گئی تاہم سنتھیا نے ٹوئٹ میں پی ٹی وی جوائن کرنے کی تصدیق کی ہے۔
Delighted to join @WorldPTV! https://t.co/LBThHNt9q3
— Cynthia D. Ritchie (@CynthiaDRitchie) August 30, 2021
خیال رہے کہ گزشہ دنوں اسلام آباد میں سنتھیا رچی پراسرار طور پر اپنے گھر میں بےہوش پائی گئیں تھی جس پر انہیں مقامی اسپتال منتقل کیا گیا تھا۔
واضح رہے کہ سنتھیا ڈی رچی ماضی میں پیپلز پارٹی کے رہنما رحمان ملک پر زيادتی کا الزام لگا چکی ہیں جبکہ انہوں نے سابق وزير اعظم یوسف رضا گیلانی اور سابق وزیر داخلہ مخدوم شہاب الدین پر بھی ہراسانی کے الزامات عائد کیے تھے۔
