قومی کرکٹ ٹیم کے سابق فاسٹ بولر وسیم اکرم کا سابق کپتان انضمام الحق کی ناساز طبیعت پر کہنا ہے کہ انہیں ایسا لگتا ہے کہ انضمام الحق کے پیارے دل کو کسی کی نظر لگ گئی۔
انہوں نے ٹوئٹر پر قومی زبان اردو میں انضمام الحق کیلئے ایک خوبصورت پیغام شیئر کیا، جس میں انہوں نے لکھا کہ ’پیارے انضی ، تمہارا دل ،اتنا پیارا دل، اسکو لگتا ہے نظر لگ گئی ۔‘
وسیم اکرم نے کہا کہ بہت فکر ہوئی کہ اتنے پیارے دل والے کو تکلیف ہوئی ، دعا ہے کہ تم ٹھیک ہو کر جلد اپنے پیارے دل سے ہم سب کو اسی طرح خوش کرو گے جیسا تم ہمیشہ کرتے ہو۔ ‘
پیارے انضی ۔۔۔ تمہارا دل۔۔ اتنا پیارا دل۔۔ اسکو لگتا ھے نظر لگ گئی ۔۔ بہت فکر ہوئی کہ اتنے پیارے دل والے کو تکلیف ہوئی ، دعا ہے کہ تم ٹھیک ھو کر جلد اپنے پیارے دل سے ہم سب کو اسی طرح خوش کرو گے جیسا تم ھمیشہ کرتے ھو۔ پیارے دوست اپنا خوب خیال رکھو ۔ جلد ملتے ہیں !
— Wasim Akram (@wasimakramlive) September 28, 2021
سابق کرکٹر نے یہ بھی لکھا کہ پیارے دوست اپنا خوب خیال رکھو ۔ جلد ملتے ہیں ۔
Dear Inzi, you have a beautiful heart. Seems like it's caught the evil eye. I was worried that someone with such a big heart was in such pain. Praying that you get better quickly so that your sweet heart can make everyone happy. My dearest friend, take good care. Let's meet soon.
— Wasim Akram (@wasimakramlive) September 28, 2021
واضح رہے کہ قومی کرکٹ ٹیم کے سابق کپتان اور سابق چیف سلیکٹر انضمام الحق کو اسپتال سے ڈسچارج کر دیا گیا۔
