یوکرین تنازع، ورلڈ تائیکوانڈو فیڈریشن نے روسی صدر سے اعزازی بلیک بیلٹ واپس لے لی ہے۔
روسی صدر کو 2013 میں جنوبی کوریا کے دورے کے دوران بلیک بیلٹ دی گئی تھی، انہیں تائیکوانڈو کا 9 واں ڈین اور گرینڈ ماسٹر قرار دیا گیا تھا، ورلڈ تائیکوانڈو فیڈریشن کا کہنا ہے کہ تائیکوانڈو نظریات کے تحت امن کو فتح پر فوقیت دی جاتی ہے۔
تنظیم نے ایک بیان میں کہا کہ عالمی تائیکوانڈو کے خیالات یوکرین کے لوگوں کے ساتھ ہیں اور ہم اس جنگ کے پرامن اور فوری خاتمے کی امید کرتے ہیں۔
یاد رہے یہ اعزازی بلیک بیلٹس امریکی صدور کو بھی دی گئی ہیں، جن میں باراک اوباما اور ڈونلڈ ٹرمپ کے نام شامل ہیں۔ گزشتہ روز روسی صدر اور سفیر کے طور پر ان کی جوڈو کی اعزازی حیثیت بھی معطل کر دی گئی تھی۔
In light of the ongoing war conflict in Ukraine, the International Judo Federation announces the suspension of Mr. Vladimir Putin’s status as Honorary President and Ambassador of the International Judo Federation.https://t.co/QQDZbF6rfd
— Judo (@Judo) February 27, 2022
واضح رہے کہ روس اور یوکرین کے درمیان گزشتہ پانچ دنوں سے جنگ جاری ہے۔ اس جنگ کے دوران روسی افواج نے یوکرین کے دارالحکومت کیف سمیت کئی دیگر شہروں کا مکمل محاصرہ کررکھا ہے۔
روس کی جانب سے کی جانے والی جارحیت پر شدید ردعمل دیتے ہوئے امریکہ، برطانیہ اور یورپ کے کئی ممالک نے روسی صدر، متعدد اہم شخصیات اور روس کے مالیاتی اداروں پر مالی پابندیاں عائد کی ہیں۔
