پاکستان مسلم لیگ (ن) کی رہنما عظمیٰ بخاری نے بھی فخر زمان کے اعلیٰ اسپورٹس مین اسپرٹ کا مظاہرہ کرنے پر ردعمل دیا ہے۔
عظمیٰ بخاری نے ٹوئٹر پر فخر سے متعلق دو میمز شیئر کیں اور لکھا آج کے میچ کے بعد ساری قوم کی طرف سے فخر زمان کو ایک اور صادق اور امین ڈکلیئر کردیا جائے۔
لیگی رہنما نے 2 بھارتی فلموں کے پوسٹر کے ساتھ فخر زمان کی تصویر شیئر کی، ایک پوسٹر’ایماندار‘ فلم کا ہے جب کہ دوسرا ’کیوں کہ میں جھوٹ نہیں بولتا‘ کا ہے۔
آج کے میچ کے بعد ساری قوم کی طرف سے فخر زمان کو ایک اور صادق اور امین ڈیکلئر کر دیا جائے،متفقہ فیصلہ #PakVsInd pic.twitter.com/e4YMn082rF
— Azma Zahid Bokhari (@AzmaBokhariPMLN) August 28, 2022
دوسری جانب پاکستان ویمن کرکٹ ٹیم کی سابقہ کپتان ثنا میر نے ٹوئٹر پیغام میں فخر کی تعریف کی۔
Hats off to @FakharZamanLive for waking off after a nick in a loud stadium when no one heard it. How many would do that specially in such a high profile game? #PakVsInd #AsiaCup2022
— Sana Mir ثناء میر (@mir_sana05) August 28, 2022
انہوں نے کہا کہ گراؤنڈ میں شور کے باعث کسی کو پتا نہیں چلا کہ گیند فخر زمان کے بلے سے ٹکرائی ہے یا نہیں مگر پھر بھی ان کا گراؤنڈ سے چلا جانا بہت ہی احسن اقدام ہے۔
خیال رہے کہ پاکستان کو بھارت کی جانب سے 5 وکٹوں سے شکست ہوئی۔
