ملک بھر میں امریکی ڈالر کے مقابلے میں روپے کی قدر تیزی سے گھٹنے لگی جبکہ پاکستان اسٹاک مارکیٹ میں زبردست تیزی کی واپسی ہوئی ہے۔
اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی ڈالر کی قدر میں مزید 41 پیسے کا اضافہ ریکارڈ کیا گیا۔
اعداد و شمار کے مطابق انٹر بینک میں امریکی ڈلر کی قدر بڑھنے کے بعد قیمت 181 روپے 78 پیسے سے بڑھنے کے بعد 182 روپے 19 پیسے ہو گئی ہے۔
Interbank closing #ExchangeRate for todayhttps://t.co/4fazWyV1ww pic.twitter.com/xRuQyPXup9
— SBP (@StateBank_Pak) March 28, 2022
دوسری طرف اوپن مارکیٹ میں بھی امریکی ڈالر 20 پیسے مہنگا ہو گیا اور ڈالر 183روپے پر ٹریڈ ہورہا ہے۔
اُدھر پاکستان اسٹاک مارکیٹ میں 382.41 پوائنٹس کی تیزی ریکارڈ کی گئی اور 100 انڈیکس 43933.56 پوائنٹس کی سطح پر پہنچ کر بند ہوا۔
