چیئرمین پاکستان تحریک انصاف عمران خان نے سماجی رابطے کی ویب سائیٹ ٹوئیٹر پر جاری پیغام میں کہا کہ ترکی کے شیخ محمود آفندی کی رحلت کے بارے میں جان کرنہایت افسردہ ہوں۔
سابق وزیر اعظم نے شیخ محمود آفندی کے وصال کو پوری امت کے لیے ایک بڑا نقصان قرار دیتے ہوئے کہا کہ انہوں نے نہایت کٹھن حالات میں دین و سنت کا احیاء کیا اور ترکی سمیت دنیا بھر میں کروڑوں لوگوں کو متاثر کیا۔
یاد رہے کہ 1929ء میں ترکی کے صوبے ترابزون میں پیدا ہونے والے شیخ محمود آفندی ترکی کی سرزمین پر اسلامی اقدار کی بحالی کے لیے گراں قدر خدمات انجام دینے کی وجہ سے جانے جاتے ہیں۔
