معروف پاکستانی اداکارہ و ماڈل سعدیہ خان کو دبئی کا گولڈن ویزا مل گیا۔
اداکارہ سعدیہ خان نے اپنے تصدیق شدہ انسٹاگرام پر اکاؤنٹ پر تصویر شیئر کی، جس میں اُن کے ہاتھ میں پاسپورٹ موجود ہے۔
سعدیہ خان نے اپنی پوسٹ کے کیپشن میں لکھا کہ “مجھے گولڈن ویزا دینے کے لیے متحدہ عرب امارات کی حکومت اور وہاں کے ترقی پسند رہنماؤں کا بہت بہت شکریہ”ْ۔
اداکارہ نے لکھا کہ اس حیرت انگیز اور محبت کرنے والے پُرامن ملک میں 10 سال کی رہائش ایک خواب تھا۔
سعدیہ خان نے واضح کیا کہ درحقیقت مجھے یہ تقریباً ایک ماہ قبل مل گیا تھا لیکن دیر سے پوسٹ کے لیے معذرت خواہ ہوں
خیال رہے کہ جیو انٹرٹینمنٹ کی مقبول ترین ڈرامہ سیریز ’خدا اور محبت‘ کے پہلے اور دوسرے سیزن میں سعدیہ خان نے عمران عباس کے ساتھ مرکزی کردار ادا کیا تھا۔
تاہم ڈرامہ سیریز کے تیسرے سیزن میں فیروز خان اور اقرا عزیز نے مرکزی کردار نبھائے تھے۔
