قذافی اسٹیڈیم میں وقار یونس نے ملی نغمہ پڑھ کر دل گرما دیئے

قومی کرکٹ ٹیم کے سابق بولر وقار یونس ناصرف کرکٹ میں مہارت رکھتے ہیں بلکہ ان کی آواز بھی کافی سُریلی ہے۔

میچ کے آغاز سے پہلے وقار یونس نے زینب عباس کو ملی نغمہ بھی سُنایا، جس کی ویڈیو پی سی بی نے اپنے ٹوئٹر اکاؤنٹ پر شیئر کی۔

پی سی بی کی جانب سے شئیر کردہ ویڈیو میں زینب نے کہا کہ وقار یونس کی آواز کافی سُریلی اور وہ بہت اچھا گاتے ہیں۔

اس لیے زینب نے کہا کہ وقار یونس ہمیں یومِ پاکستان کے دن ملی نغمہ سنائیں گے۔

ویڈیو میں دیکھا جاسکتا ہے کہ وقار یونس زینب کی فرمائش پر ’یہ وطن تمہارا ہے‘ اپنی خوبصورت آواز میں گاتے ہیں۔

اس ویڈیو پر ردعمل دیتے ہوئے عمر گل نے کہا کہ وقار بھائی آپ کی آواز تو بہت اچھی ہے، آپ کا تو یہاں بھی مستقبل روشن ہے۔

یاد رہے کہ پاکستان اور آسٹریلیا کے درمیان قذافی اسٹیڈیم میں جاری تیسرے ٹیسٹ کا تیسرا دن یوم پاکستان کے نام کیا گیا، کھیل شروع ہونے سے پہلے قومی ترانہ بھی پڑھا گیا۔

چیئرمین پی سی بی رمیز راجہ نے قذافی اسٹیڈیم میں موجود تماشائیوں میں 2500 جھنڈے تقسیم کیے۔

دوسری جانب ملکی اور غیر ملکی کمنٹیٹرز یوم پاکستان کی مناسبت سے سبز اور سفید رنگ کا لباس زیب تن کیے ہوئے ہیں۔

Load/Hide Comments

اپنا تبصرہ بھیجیں