پاکستانی اداکارہ مریم نفیس بھی رشتہ ازدواج میں منسلک ہو گئیں,ان کے نکاح کی ویڈیوز اور تصاویر سامنے آ گئیں۔
تفصیلات کے مطابق گزشتہ دنوں سے اداکارہ کی شادی کی تقریبات شروع تھیں اور آج ان کا نکاح بھی ہوگیا جس کی تصاویر ان کے فین پیجیز اور ان کے اپنے انسٹاگرام اکاؤنٹ پر پوسٹ کی گئیں۔
سوشل میڈیا انٹرٹینمنٹ پیج پر اداکارہ کی نکاح کی تصاویر پوسٹ کرتے ہوئے کیپشن میں لکھا کہ ”مریم نفیس اور امان احمد کو ان کے نکاح کی مبارک ہو جو ابھی ابھی نکاح کے بندھن میں بندھے ہیں“۔
اسی طرح ان کے نکاح کی ویڈیو کے کیپشن میں بھی انھیں مبارک باد دی گئی۔
یاد رہے کہ اداکارہ مریم نفیس پاکستان کی ابھرتی ہوئی اداکارہ ہیں جنھوں نےبہت کم وقت میں اپنی محنت سے لالی ووڈ میں جگہ بنائی۔
