ایشیا کپ کے سُپر4 مرحلے میں بھارت کیخلاف پاکستان کی شاندارکامیابی سے ہردل خوشی سے سرشار ہے، 8 سال بعد روایتی حریف کے خلاف جیت کی خوشی میں عام شائقین کے ساتھ ساتھ شوبز ستارے بھی پوری طرح سے شریک ہیں۔
سنسنی خیزمیچ میں گرین شرٹس نے 182 رنز کا ہدف 20 ویں اوورکی پانچویں گیند پرپورا کرتے ہوئے بھارتی ٹیم کو 5 وکٹوں سے شکست دی۔
میچ کے بعد پُرجوش سیلیبرٹیزنے اپنے اپنے اندازمیں خوشی اور جوش وخروش کا اظہارکیا۔
اداکار منیب بٹ نے ٹی وی اسکرین کے سامنے سے ویڈیو شیئرکی جہاں وہ وننگ شاٹ کے بعد بھارتی اشتہار ’ موقع موقع ’ گاتے ہوئے ٹرولنگ کررہے ہیں۔
عاصم اظہرنے اپنی منگیتراداکارہ میرب اور فیملی کے ہمراہ میچ دیکھا ، میچ ختم ہوتے ہی خوشی سے سرشار گلوکار نے مقبول ترین قومی نغمہ ’دل دل پاکستان ’ گایا جس میں ان کا ساتھ میرب نے بھی دیا۔
فیضان شیخ نےفیملی کے ساتھ گرین شرٹس کی جیت کے ساتھ ہی ‘موقع موقع’ گاتے ہوئے جوش وخروش سے بھرپور ویڈیوشیئرکی۔
اداکارہ و ٹی وی میزبان جویریہ سعود نے بھی جیت کے لمحات کی ویڈیو شیئرکی۔
اداکار مومن ثاقب اور کرکٹ لازم وملزوم ہیں کیونکہ ان کی وجہ شہرت بھی یہی کھیل بناتھا، دبئی کے اسٹیڈیم میں مومن کا جذباتی انداز بھی دیکھیے۔
فیصل قریشی نے ساتھی اداکاروں اور قریبی دوستوں اعجاز اسلم اور نوید رضا کے ہمراہ میچ دیکھا اور پاکستان کی جیت کے ساتھ ہی انہیں خود پریقین کرنے کی ہدایت کی۔
