مقامی صرافہ بازاروں میں سونے کی فی تولہ قیمت میں 400 روپے کی کمی واقع ہوئی ہے۔
بدھ کے روز بین الاقوامی مارکیٹ میں سونے کی فی اونس قیمت 4 ڈالر اضافے کے بعد 1760 ڈالر ہوگئی۔
بین الاقوامی مارکیٹ کے برعکس ملک کے صرافہ بازاروں میں سونے کے دام میں کمی دیکھی گئی۔
بدھ کو فی تولہ سونے کی قیمت 400 روپے کمی کے بعد ایک لاکھ 61 ہزار 200 روپے جب کہ 10 گرام سونا 314 روپے سستا ہوکر ایک لاکھ 38 ہزار 203 روپے کا ہوگیا۔
دوسری جانب چاندی کی قیمت 1740 روپے فی تولہ پر برقرار رہی۔
