اداکار منیب بٹ نے بالی وڈ سپر اسٹار عالیہ بھٹ کی نئی فلم ‘گنگو بائی کاٹھیاواڑی’ دیکھنے کے لیے پورا سنیما ہی بک کروالیا۔
سنجے لیلا بھنسالی کی ہدایتکاری میں بنائی جانے والی عالیہ بھٹ کی فلم ’گنگو بائی کاٹھیاواڑی‘ دنیا بھر میں ریلیز کی جا چکی ہے جس نے ریلیز کے پہلے ہفتے میں ہی دنیا بھر میں 100 کروڑ روپے سے زائد کا بزنس کیا۔
تاہم منیب بٹ جو کہ ان دنوں اپنی اہلیہ اداکارہ ایمن خان اور بیٹی کے ہمراہ دبئی میں سیر سپاٹے کررہے ہیں، انہوں نے عالیہ کی فلم دیکھنے کے لیے پورا سنیما ہی بک کرالیا۔
اداکار نے انسٹاگرام پر سنیما کی اسٹوری پوسٹ کی جس میں وہ اپنی اگلی سیٹ پر بیٹھی ایمن خان سے کہہ رہے ہیں کہ ‘ایمن تمہارے لیے پورا سنیما بک کیا ہے’۔
ساتھ ہی منیب نے مضحکہ خیز انداز میں کہا کہ ‘اب اگر گنگو بائی فلم اچھی نہ ہوئی تو یہ نہ تھی قسمت ہماری (ڈرامہ) کی آخری قسط دیکھیں گے’۔
ویڈیو کے کیپشن میں منیب بٹ نے ‘پرائیویٹ شو’ لکھا تاہم ویڈیو سے اندازہ لگایا جاسکتا ہے کہ منیب بٹ اور ایمن کے ہمراہ وہاں ان کے کچھ دیگر دوست بھی موجود تھے۔
واضح رہے کہ گنگو بائی کاٹھیاواڑی رواں برس 25 فروری کو ریلیز کی گئی تھی۔
