لنکا شائر کاؤنٹی کرکٹ کلب نے رمضان میں مسلم کمیونٹی کے لیے خصوصی تقریب کا انعقاد کیا جس میں قومی ٹیم کے فاسٹ بولر حسن علی کو بھی مدعو کیا گیا۔
لنکاشائر کاؤنٹی کی جانب سے مسلم کمیونٹی کے لیے افطار اولڈ ٹریفورڈ کرکٹ گراؤنڈ میں رکھی گئی، افطار سے قبل حسن علی نے نوجوان کرکٹرز کے ساتھ پریکٹس سیشن میں حصہ لیا۔
حسن علی نے لنکاشائر کے تین کلبوں کے نوجوان کھلاڑیوں کے ساتھ پریکٹس سیشن میں حصہ لیا اور بات چیت کی۔
حسن علی نے لنکاشائر کی مسلم کمیونٹی کے ساتھ افطار کی کرکٹ گراؤنڈ میں اکٹھے نماز ادا کی۔
As part of our #Ramadan celebrations, @RealHa55an attended a special evening cricket session!
Participants then broke their fast and prayed together at @EmiratesOT. 🙌
🌹 #RedRoseTogether | @LancsCricketFDN
— Lancashire Cricket (@lancscricket) April 27, 2022
اس موقع پر حسن علی کا کہنا تھا کہ مقامی مسلم کمیونٹی کو رمضان کے مہینے میں تقریب میں شامل کرنا لنکاشائر کا ایک اچھا اقدام ہے، لنکاشائر میں کرکٹ کے لیے بہت ٹیلنٹ اور مستقبل کے باصلاحیت کھلاڑی موجود ہیں۔
قومی ٹیم کے فاسٹ بولر کا کہنا تھا کہ لنکاشائر میں نوجوان کھلاڑیوں کے ساتھ یہاں وقت گزارنا میرے لیے بہت اچھا لمحہ ہے۔
اس سے قبل حال ہی میں لارڈز کرکٹ گراؤنڈ میں تاریخ میں پہلی بار افطار کا اہتمام کیا گیا تھا۔
