بھارتی ایئر لائن کی دہلی سے دبئی جانے والی پرواز نے کراچی میں ایمرجنسی لینڈنگ کی ہے۔
ایوی ایشن ذرائع کے مطابق پرواز ایس جی 11 میں پاکستان کی فضائی حدود میں فنی خرابی پیدا ہوئی ہے۔
بھارتی طیارے کے پائلٹ کے رابطہ کرنے پر انسانی ہمدردی کی بنیاد پر طیارے کو لینڈنگ کی اجازت دی گئی۔
ایوی ایشن ذرائع کے مطابق بھارتی بوئنگ 737 طیارہ کراچی ایئر پورٹ پر باحفاظت لینڈ کر گیا ہے۔
ایوی ایشن ذرائع نے بتایا ہے کہ طیارے میں 100 سے زائد مسافر سوار ہیں، مسافروں کو جہاز سے اترنے کی اجازت نہیں دی گئی۔
دوسری جانب کراچی ایئر پورٹ پر بھارتی جہاز کا معائنہ کیا جا رہا ہے۔
