1992 کی چیمپئن ٹیم کے کپتان اور سابق وزیراعظم عمران خان بھی پاکستان ٹیم کے ٹی ٹوئنٹی ورلڈکپ جیتنے کے لیے پرامید ہیں۔
ٹوئٹر پر جاری پیغام میں عمران خان نے ٹیم کے نام پیغام لکھا کہ’ آج پاکستانی ٹیم کے لیے وہی پیغام ہے جو 1992 میں ٹیم کودیا تھا، آج کے دن کا لطف اٹھائیں کیونکہ مشکل سے ورلڈ کپ فائنل کھیلنے کا موقع ملتا ہے، آپ جیت جائیں گے اگرخطرہ مول لینے کوتیار ہیں آپ مخالفین کی غلطیوں کوکیش کرسکتے ہیں۔
عمران خان نے اپنی ٹوئٹ میں لکھا کہ ’قومی ٹیم کے کھلاڑی جارحانہ حکمت عملی کے ساتھ کھیلیں،پوری قوم کی دعائیں قومی کرکٹ ٹیم کے ساتھ ہیں‘۔
دوسری جانب غیر ملکی میڈیا سے گفتگو کرتے ہوئے عمران خان کا کہنا تھا کہ ہم نے 1992 کے ورلڈکپ کے سیمی فائنل میں نیوزی لینڈ کو شکست دی تھی جس کے بعد فائنل میں ہمارا مقابلہ انگلینڈ سے تھا۔
"I think our team looks good. I think we might just win the final."
Imran Khan is hopeful for Pakistan's chances in the cricket World Cup.@ImranKhanPTI | @piersmorgan | @TalkTV | #PMU pic.twitter.com/1NNDXUvocG
— Piers Morgan Uncensored (@PiersUncensored) November 9, 2022
عمران خان نے سیمی فائنل میں پاکستان ٹیم کی فتح پر بات کرتے ہوئے کہا کہ ملک بھر میں ایک جشن کی سی کیفیت ہے کیوں کہ غالبا انگلینڈ کی طرح ہمارے لیے بھی یہاں تک پہنچنا آسان نہیں تھا اور یہ جیت ہم سب کا جوش بڑھانے کے لیے ضروری ہے لہذا سب کی نظریں فائنل پر ہیں۔
سابق کپتان پاکستان کرکٹ ٹیم کا مزید کہنا تھا میرا خیال ہے کہ پاکستان ایک بہترین ٹیم ہے اور ہم فائنل جیت سکتے ہیں ان شاءاللہ۔
