پاکستانی ڈرامہ انڈسٹری کی جانی مانی کامیاب جوڑی حرامانی اور جنید خان جلد ایک ساتھ میوزک ویڈیو میں نظر آئیں گے، جس کا پہلا ٹیزر بھی ریلیز کر دیا گیا ۔
’یاداں‘ سونگ کے ٹیزر کو جنید خان نے سوشل میڈیا پر شئیر کیا ، جسے ان کے مداحوں کی جانب سے پسند کیا جا رہا ہے اور سب مکمل گانے کا بے صبری سے انتظار کر رہے ہیں۔
اداکارہ حرامانی نا صرف ایک اچھی پرفارمر ہیں بلکہ وہ کئی مرتبہ اپنی آواز کا بھی جادو جگا چکی ہیں، حال ہی میں انہوں نے موسیقی کے پروگرام کشمیر بیٹس میں دوگانے“سواری “ اور“تمنا “ گا کر خوب داد سمیٹی ۔
حال ہی میں حرامانی نے بھی انسٹاگرام پراس میوزک ویڈیو کا پہلا پوسٹرشئیر کیا اور کیپشن میں لکھا کہ ’یاداں‘ جلد آرہا ہے۔
